Başda Müşahidə Şurası və İdarə Heyəti olmaqla, bütün RoyalBank ailəsi olaraq xalqımızı 31 dekabr- Dünya Azərbaycanlılarının Həmrəyliyi Günü və Yeni İl münasibətilə təbrik edir, yurdumuza əmin-amanlıq, dövlətimizə tərəqqi, xalqımıza firavan həyat arzu edirik!

2010-cu ilin mart ayında Bank ilə Azərbaycan Bank Tədris Mərkəzi arasında Əməkdaşlıq müqaviləsinin bağlanması ilə Bankda korporativ idarəetmə sistemlərinin təkmilləşdirilməsi prosesi daha da gücləndirilmişdir. Görülmüş tədbirlər çərçivəsində bankın 2011-2013-cü illər üzrə strateji baxışı, missiya hesabatı müəyyənləşdirilmiş, insan resurslarının idarəedilməsi, risklərin idarə olunması, kreditlərin verilməsi, və digər mühüm sahələr üzrə siyasətlər, daxili qaydalar daha da təkmilləşdirilmişdir.

Bankın ən dəyərli aktivi olan insan resurslarının korporativ tələblərə uyğun şəkildə idarə olunması məqsədilə bank işçilərinin Azərbaycan Bank Tədris Mərkəzində müvafiq sahələr üzrə testdən keçmələri planlaşdırılmış, bununla bağlı olaraq 02-03 aprel 2011-ci il tarixlərdə keçirilmiş birinci mərhələdə 180 işçi test prosesində iştirak etmişdir.

VISA Beynəlxalq Ödəniş Sisteminin təşəbbüsü, RoyalBank ASC-nin və «Royal Business School» MMC-nin təşkilatı dəstəyi ilə 02 mart 2010-cu il tarixində RoyalBank ASC-nin Mirəli Seyidov 20a ünvanında yerləşən ofisində Azərbaycan Respublikasının Mərkəzi Bankın və Respublikada fəaliyyət göstərən digər kommersiya bankların (bunlardan XalqBank,UniBank, AGBank, ABB, DəmirBank, Bank Standard, Kapital Bank  və s.) iştirakı ilə “Ekvayrinq.

Effektiv satış” mövzusunda treyninq keçirilir.

Treyninqdə iştirak pulsuzdur. Qeyd edək ki, treyninq 2 gün davam edəcək.

Əlavə Məlumat: (012) 510 82 41 (24/7)

RoyalBank ASC  ödəniş biznesi üzərində strateji nəzarəti əldə etmişdir.

Bakı, Azərbaycan, 27 oktyabr 2010-cu il –Azərbaycan maliyyə bazarında bank servislərinin etibarlı iştirakçısından biri olan RoyalBank ASC Compass Plus proqram kompleksi bazasında yaradılmış tam şəkildə fəaliyyət göstərən prosessinq sisteminin istifadəyə veriləcəyini rəsmi elan edir.

RoyalBank-ın müvafiq qərarı Bankın kart biznesinin uğurlu inkişafı üçün istifadə ediləcəkdir ki, bu da öz növbəsində EMV-standartlı maqnit və çip kartlarının emissiyası daxil olmaqla ödəniş kartı biznesi üzrə əməliyyatların səmərəliliyinin və keyfiyyətinin artırılmasına, eləcə də lokal kartların buraxılmasına əhəmiyyətli dərəcədə imkan yaradacaqdır. Bundan əlavə, RoyalCard proqram təminatı özündə real vaxt rejimində dələduzluq əməliyyatlarının monitorinqini və onların vaxtında qarşısının alınması üzrə proqram moduluna eləcə də ödəniş terminallarının qoşulma modullarını, ödəniş kartları haqqında məlumatların hazırlanması  və kartların şəxsiləşdirilməsini daxil edir.

CompassPlus bazasında yaradılmış yeni prosessinq sisteminin əsas məqsədi kart biznesində inkişaf və nağdsız ödənişlərin stimullaşdırılması planlarının yerinə yetirilməsinə rəvac verəcək Bankdaxili kart biznesinin idarə edilməsinin strateji əhəmiyyətli proseslərinə nəzarətin tam təmin edilməsindən ibarətdir.

RoyalCard sisteminin imkanlarının geniş əhatə dairəsi ona elektron və mobil kommersiya biznesində ödənişlərin həyata keçirilməsi daxil olmaqla müxtəlif qurğu və vasitələrdən istifadə etməklə müştərilərə çoxkanallı xidmət göstərilməsinin idarə edilməsinə və səmərəli şəkildə dəstəklənməsinə imkan yaradacaqdır. RoyalCard məhsulları adi debet və kredit kartları daxil olmaqla unikal kombinələşdirilmiş hibrit kartlaradək ödəniş biznesinin bütün aspektlərinə, habelə loyallıq proqramlarının həyata keçirilməsi imkanlarına sahibdir. RoyalBank VISA Int (VISA) beynəlxalq ödəniş sistemlərinə RoyalCard prosessinq sisteminin birbaşa qoşulması üçün sertifikatlaşdırmadan keçmişdir, eləcə də MasterCard Worldwide (MasterCard), JCB və CUP –a (Union Pay) birbaşa qoşulma layihələrinin son mərhələsindədir.

“Compass Plus kimi müasir proqram kompleksi bazasında şəxsi prosessinq sisteminin tətbiqi Bank daxilində kart biznesinin idarə edilməsinin əsas proseslərinə nəzarəti təmin edəcək, eləcə də bizim rəqabət üstünlüklərimizi nəzərəçarpacaq dərəcədə artıracaqdır, –  İdarə Heyətinin Sədr müavini cənab Fərid Həsənov bidirmişdir. Müasir və böyük potensiala malik çevik və səmərəli sistemi seçməklə, RoyalBank uzun illər öz kapital yatırımlarının etibarlı müdafiəsini təmin etmişdir”.

RoyalBank – Azərbaycanda fəaliyyət göstərən, paytaxt Bakıda və ölkənin rayonlarında 32 filiala malik kommersiya bankıdır. Bankın fəaliyyətinin əsas istiqaməti fiziki şəxslərə, eləcə də kiçik və orta müəssisələrə (“SME”) bank xidmətləri göstərməkdir. RoyalBank “ÖZBANK” birgə kommersiya bankı adı altında səhmdar kommersiya bankı kimi Azərbaycan Respublikası Mərkəzi Bankı tərəfindən verilmiş 158 saylı lisenziya əsasında 2 avqust 1993-cü ildə təsis edilmişdir. Sonralar Bankın adı dəyişdirilmiş və RoyalBank olmuşdur. Bankın hazırkı rəhbərliyi öz fəaliyyətinə bank və maliyyə sistemlərini yenidən təşkil etməklə  2004-cü ildə başlamışdır.  RoyalBank Beynəlxalq Maliyyə Korporasiyası (IFO), Avropa İnkişaf və Yenidənqurma Bankı (EBRD), Birləşmiş Ştatların Beynəlxalq İnkişaf Təşkilatı (USAID), Asiya İnkişaf Bankı (ADB) kimi müxtəlif beynəlxalq maliyyə təşkilatları ilə fəal əməkdaşlıq edir.

Yaranmış narahatçılığa görə əvvəlcədən üzr istəyirik. Sizin etibarınızı dəyərləndiririk və bizimlə
işlədiyinizə görə təşəkkür edirik!

RoyalBank ASC  beynəlxalq ödəniş sistemləri olan VISA, MasterCard, JCB və CUP sistemlərini dəstəkləyən “RoyalCard” universal prosesinq sistemini 02.11.2010-cu il tarixində fəaliyyətə başlaması ilə əlaqədar olaraq 02.11.2010-cu il tarixində saat 12:00-da RoyalBank ASC-nin Mirəli Seyidov 20a ünvanında yerləşən inzibati ofisində KİV nümayəndələri üçün mətbuat konfansı keçirəcəkdir.

Təhlükəsizlik tədbirləri ilə əlaqədar olaraq mətbuat konfansında iştirak etmək istəyən KİV nümayəndələri 28.10.2010-cu il tarixindən geç olmayaraq royalcard@royalbank.az elekton poçt ünvanına iştirak haqqında müraçiət göndərməlidirlər. Qeyd edək ki, qeydiyyatdan geçmək mütləqdir.

Əlavə sual yaranarsa təşkilat komitəsinə müraciət edə bilərsiniz. Əlaqə telefon nömrəsi: +99412 434 73 58 (daxili 213)  Mobile: +99450 230-09-40

Kampaniya çərçivəsində hər bir VİSA kartı sifariş edən müştəri əlavə olaraq pulsuz MasterCard əldə edəcəkdir. Eyni zamanda Banka aid VİSA kartları olan müştərilər kampaniya müddətində istənilən vaxt pulsuz MasterCard əldə edə bilərlər.

Kampaniya 31 .09.2010-cu il tarixinə qədər davam edəcəkdir.

Eyni zamanda Bank yaxın müddətdə ödəniş kartları sferasında ölkədə analoqu olmayan yeni layihəyə start verəcəkdir.

RoyalBank müştərilərini sevindirməkdə bundan sonrada davam edəcəkdir.