RoyalBank ASC  “Azərbaycan İpoteka Fondu”-na üzv olduqdan bəri ipoteka kreditinin alınması üçün 35-dən çox rəsmi müraciəti qəbul edib.

Xatırladaq ki, RoyalBank ASC 11 iyun 2009-cu il tarixindən etibarən ipoteka vermə prosesinə başlamışdır. Hal-hazırda 6 ipoteka evi rəsmiləşdirilərək öz sahibini tapmışdır.

Nəzərinizə çatdırırıq ki, ipoteka kreditləri aşağıda göstərilən sərtlərlə verilir:

• Kredit Azərbaycan manatı ilə verilir;
• Kredit Azərbaycan Respublikasının vətəndaşına verilir;
• Kredit 3 ildən 25 ilədək müddətə verilir;
• Kreditin məbləği 50 000 manatdan çox olmamalıdır;
• Kredit üzrə illik faiz dərəcəsi 8% həddini aşmır;
• Kreditin məbləği, kreditin verildiyi tarixdə ipoteka edilən daşınmaz əmlakın bazar qiymətinin 70%-dən çox olmamalıdır;
• İpoteka kreditləri üzrə ödəniləcək aylıq məbləğ borcalanın (birgə borcalanların) aylıq məcmu gəlirinin 50%-dən çox olmamalıdır;
• Kreditin son ödəniş tarixinə borcalanın yaşı qanunvericiliklə müəyyən olunmuş pensiya yaş həddindən çox olmamalıdır;
• Kredit daşınmaz əmlakın ipotekası ilə təmin olunmalıdır;
• İpoteka ilə yüklü edilən daşınmaz əmlak müstəqil qiymətləndirici tərəfindən qiymətləndirilməlidir;
• İpotekaya qoyulmuş daşınmaz əmlak sahibinin hüquqları qanunvericiliklə müəyyən edilmiş qaydada dövlət qeydiyyatına alınmalıdır;
• Kredit üzrə əsas borc və hesablanmış faizlər hər ay bərabər hissələrlə (annuitent ödənişlər) ödənilməlidir;
• Borcalanın həyatı və əmək qabiliyyəti, eləcə də ipoteka ilə yüklü edilmiş daşınmaz əmlak bazar qiyməti əsas götürülərək ipoteka ilə təmin edilən kreditin həcmindən az olmamaq şərtilə sığortalanmalıdır;
• RoyalBank tərəfindən müəyyən olunan digər qanuni tələblər.